ایکسپریس اردو
بھکر: مبینہ غلط انجکشن لگنے سے 5 سالہ بچی جاں بحق، 2 افراد گرفتار
بھکر کے علاقے بہل میں مبینہ طور پر غلط انجکشن لگنے کے بعد 5 سالہ بچی عطاء فاطمہ جاں بحق ہوگئی۔
ڈی پی او بھکر شہزاد رفیق کے مطابق بچی کو دورانِ علاج نجی کلینک کے پیرا میڈیکل اسٹاف نے مبینہ طور پر انجکشن لگایا جس کے بعد اس کی حالت بگڑ گئی اور وہ دم توڑ گئی۔
پولیس نے مبینہ طور پر انجکشن لگانے والے عمر ولد مشتاق اور راشد ولد مشتاق کو حراست میں لے کر واقعے کا مقدمہ درج کرلیا ہے جبکہ قانونی کارروائی جاری ہے۔
ڈی پی او کے مطابق بچی کی میت پوسٹ مارٹم کے لیے ڈی ایچ کیو اسپتال منتقل کردی گئی جبکہ محکمہ صحت نے متعلقہ نجی کلینک کو سیل کردیا۔
Shown as published in the source's RSS feed. IndiaAIFounders doesn't link out to third-party sites — this is the complete detail available from the feed itself.