ایکسپریس اردو
راولپنڈی: موٹروے ایم ٹو پر بھاری مقدار میں منشیات اسمگل کرنے کی کوشش ناکام
راولپنڈی میں موٹروے ایم ٹو کلر کہار کے قریب بھاری مقدار میں منشیات اسمگل کرنے کی کوشش ناکام بنا دی گئی، ملزمان گاڑیاں چھوڑ کر موقع سے فرار ہوگئے۔
ترجمان موٹروے پولیس کے مطابق افسران نے کارروائی کے دوران دو مشکوک گاڑیوں کو روکا، تاہم ملزمان گاڑیاں چھوڑ کر فرار ہوگئے جن کی تلاش جاری ہے۔
پولیس کے مطابق گاڑیوں سے 155 کلوگرام افیون اور 88 کلوگرام چرس برآمد کی گئی، جبکہ برآمد شدہ منشیات اور دونوں گاڑیوں کو قانونی کارروائی کے لیے اینٹی نارکوٹکس فورس کے حوالے کردیا گیا۔
ترجمان موٹروے پولیس کا کہنا ہے کہ مبینہ طور پر منشیات خیبر پختونخوا سے پنجاب منتقل کی جا رہی تھیں۔
Shown as published in the source's RSS feed. IndiaAIFounders doesn't link out to third-party sites — this is the complete detail available from the feed itself.