ایکسپریس اردو
نوشہرہ: ہوائی فائرنگ سے روکنے پر فائرنگ سے تین افراد جاں بحق
نوشہرہ کے علاقے شاہ کوٹ پایان میں دو فریقین کے درمیان شادی کی تقریب میں ہوائی فائرنگ کرنے پر زبانی تکرار کے دوران گولیاں چلنے سے باپ بیٹے سمیت تین افراد جاں بحق اور دو راہ گیر شدید زخمی ہو گئے۔
تفصیلات کے مطابق تحصیل پبی میں تھانہ جلوزئی کے علاقے شاہ کوٹ پایان میں شادی کی تقریب میں ہوائی فائرنگ سے روکنے پر دو فر یقین حضرت حسین اور شاہد ولد خوشحال گروپ میں زبانی تکرار ہوئی جس کے بعد فریقین کے درمیان فائرنگ کا تبادلہ ہوا۔
گولیاں لگنے سے ایک فریق سے حضرت حسین ولد محمد عامر عمر 20 سال اور دوسرے فریق سے شاہد ولد خوشحال عمر 45 سال اور اس کا بیٹا سنگین ولد شاہد عمر 25 سال ساکنان شاہ کوٹ پایان جاں بحق ہو گئے۔
فائرنگ سے دو راہ گیر شاہ روز ولد قادر شاہ اور ماجد نواز ولد نور نواز ساکنان شاہ کوٹ پایان شدید زخمی ہو گئے جنہیں ہسپتال منتقل کر دیا گیا۔
Shown as published in the source's RSS feed. IndiaAIFounders doesn't link out to third-party sites — this is the complete detail available from the feed itself.